ZER DA ElkarEkinez?

ElkarEkinez Paz de Ziganda Ikastolan familiei, euren seme-alabekin disfrutatu eta kalitatezko denbora igarotzeko asmoz egiten zaien eskaintza da. Ikastolak espazioa eta materialak, proposamen desberdinak osatuz, familien esku jartzen ditu, familiak, bertan, modu autonomoan aritu daitezen.

NORI ZUZENDUA DAGO?

0-3 urte bitarteko seme-alabak dituzten familiei zuzendua dago, baina proposamenak adin guztietako haur eta helduek disfrutatzeko modukoak dira. Familian jolastu eta disfrutatzea da helburua.

"Haurrei ematen zaiena EMANEN DIOTE haurrek gizarteari." Karl A. Menninger

Parte hartzea irekia da, interesa izan duen familia orok parte har dezake, gure hezkuntzako komunitateko kidea izan ala ez.